दुबई :- कठिन परिस्थितिमा पनि यात्रुहरूको सुरक्षालाई पहिलो प्राथमिकता दिँदै जिम्मेवारी निर्वाह गरेका फ्लाईदुबईका क्याप्टेन स्मित मच्छरको साहस र समर्पणको यूएई नेतृत्वले प्रशंसा गरेको छ।
क्याप्टेन मच्छरसँगको भेटका क्रममा उनलाई यूएईको करुणा, शान्ति र मानवीय मूल्यको प्रतिनिधित्व गर्ने व्यक्तिका रूपमा सम्मान गरिएको जनाइएको छ। यात्रुहरूको सुरक्षाका लागि उनले देखाएको साहसलाई मानवीय जिम्मेवारीको प्रेरणादायी उदाहरणका रूपमा लिइएको छ।
प्राप्त विवरणअनुसार, 30 September 2026 बुधबार दुबईबाट तेल अभिभतर्फ उडेको फ्लाईदुबईको उडान FZ1073 मा को–पाइलटले क्याप्टेन मच्छरमाथि छुरा प्रहार गरेका थिए। घाइते अवस्थामा समेत उनले यात्रुहरूको सुरक्षालाई प्राथमिकतामा राख्दै आफ्नो जिम्मेवारी निर्वाह गरेको बताइएको छ।
घटनापछि विमान साउदी अरेबियाको ताबुकमा सुरक्षित अवतरण गरिएको थियो। विमानमा रहेका १७४ यात्रुको सुरक्षामा क्याप्टेन मच्छरले महत्वपूर्ण भूमिका निर्वाह गरेको विवरणमा उल्लेख छ।
यस घटनापछि भारतका प्रधानमन्त्री नरेन्द्र मोदीले क्याप्टेन मच्छरसँग भिडियो कलमार्फत कुराकानी गर्दै उनको साहस र जिम्मेवारीप्रति धन्यवाद व्यक्त गरेको जनाइएको छ। कुराकानीका क्रममा क्याप्टेन मच्छरले आफू कठिन अवस्थामा रहेको बेला हनुमान चालिसेको ध्यान गरेको समेत बताएका थिए।
घटनामा घाइते भएका क्याप्टेन मच्छर हाल अबुधाबीस्थित अस्पतालमा उपचाररत छन्। उनको स्वास्थ्यमा सुधार भइरहेको भारतीय दूतावासले जनाएको छ।
घाइते अवस्थामा समेत यात्रुहरूको सुरक्षालाई प्राथमिकता दिँदै आफ्नो कर्तव्य निर्वाह गरेका क्याप्टेन मच्छरको साहसले मानवीय जिम्मेवारी र कर्तव्यप्रतिको समर्पणको उदाहरण प्रस्तुत गरेको छ।
