काठमाडौं । नेपाल आइडल सिजन ५ को उपाधि बर्दियाका करण परियारले हात पारेका छन् । उपाधि जितेसँगै उनले ट्रफीसहित २५ लाख रुपैयाँ नगद र अन्य पुरस्कार प्राप्त गरेका छन् ।
शनिबार राति नेपाल आइडलको स्टुडियोमा भएको ग्रान्ड फिनालेमा अन्य फाइनलिस्टहरु मोहित भुजेल, सलोमी गुरुङ र सचिन विश्वकर्मालाई पछि पार्दै उनी विजेता बनेका हुन् । दर्शकको भोटको आधारमा उनी विजेता चुनिएका हुन् ।
प्रतियोगितामा फस्ट रनरअप पोखराकी सलोमी गुरुङ बनिन् । उनले नगद १० लाख पुरस्कार सहित ट्रफी प्राप्त गरिन् । भने सेकेन्ड रनरअप दार्जिलिङका सचिन विश्वकर्मा बने । उनले नगद ५ लाख रुपैयाँ प्राप्त गरेका छन्।
दार्जिलिङकै मोहित भुजेल थर्ड रनरअप भए । उनले स्कुटर पुरस्कार प्राप्त गरे ।
चार महिनादेखि जारी नेपाल आइडल सिजन ५ को विजेता दर्शकको भोटको आधारमा गरिएको हो । नेपाल आइडलका निर्णायकहरु न्ह्यू बज्राचार्य, इन्दिरा जोशी र कालीप्रसाद बाँस्काेटा छन् । शोलाई रीमा विश्वकर्मा र आसिफ शाहले होस्ट गरेका थिए ।
