सिन्धुली, साउन १८ — सिन्धुलीको फिक्कल गाउँपालिका–२ नवलपुरस्थित सुनकोशी नदीमा सोमबार बिहान एक कार खसेको छ।
प्रारम्भिक जानकारीअनुसार विपरीत दिशाबाट आइरहेको बसले ठक्कर दिएपछि कार अनियन्त्रित भई सुनकोशी नदीमा खसेको हो।
कारमा कति जना सवार थिए भन्ने यकिन भइसकेको छैन। घटनाबारे जानकारी प्राप्त हुनासाथ जिल्ला प्रहरी कार्यालय सिन्धुलीबाट प्रहरी टोली घटनास्थलमा परिचालन गरिएको छ।
जिल्ला प्रहरी कार्यालय सिन्धुलीका प्रहरी नायब उपरीक्षक (डीएसपी) विजय श्रेष्ठका अनुसार घटनाको विस्तृत विवरण आउन बाँकी रहेको छ। उनका अनुसार प्रहरी टोली घटनास्थलमा पुगेर उद्धार तथा अनुसन्धानको काम अघि बढाइरहेको छ।
घटनामा मानवीय क्षति भएको वा नभएको विषयमा हालसम्म आधिकारिक पुष्टि भएको छैन। प्रहरीले थप विवरण संकलन गरिरहेको जनाएको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
