धादिङ ,२०८३ असोज ७ गते
नेपाल टेलिभिजनका धादिङ संवाददाता शिव सिलवाल ‘हेम–सुनिल जोखिमपूर्ण टेलिभिजन पत्रकारिता पुरस्कार’बाट सम्मानित भएका छन्।
बुधबार आयोजित कार्यक्रममा सिलवाललाई जोखिमपूर्ण अवस्थामा समेत पत्रकारिता क्षेत्रमा निरन्तर योगदान पुर्याएको भन्दै सम्मान गरिएको हो। कार्यक्रममा उनलाई सम्मानपत्र तथा पुरस्कार प्रदान गरिएको थियो।
सिलवालले लामो समयदेखि धादिङमा रहेर पत्रकारिता गर्दै आएका छन्। जिल्लाका स्थानीय समस्या, विकास निर्माण, विपद्, सामाजिक तथा जनसरोकारका विषयलाई सञ्चारमाध्यममार्फत निरन्तर उठाउँदै आएका सिलवाल धादिङका पुराना पत्रकारमध्ये एकका रूपमा चिनिन्छन्।
नेपाल टेलिभिजनका धादिङ संवाददाताका रूपमा समेत सक्रिय सिलवालले जिल्लाका महत्वपूर्ण घटनाक्रमलाई राष्ट्रिय सञ्चारमाध्यमसम्म पुर्याउँदै आएका छन्। लामो समयदेखि पत्रकारितामा सक्रिय रहँदै स्थानीय आवाजलाई प्राथमिकताका साथ प्रस्तुत गर्दै आएको भन्दै उनलाई पुरस्कार प्रदान गरिएको जनाइएको छ।
सिलवालको सम्मानसँगै धादिङको पत्रकारिता क्षेत्रमा लामो समयदेखि सक्रिय पत्रकारको योगदानको समेत कदर भएको छ।
