धादिङ, साउन १ — आर्थिक वर्ष २०८२/८३ का लागि निर्धारित समयमा नीति, कार्यक्रम तथा वार्षिक बजेट पेस गर्न नसकेपछि देशभरका ११ वटा नगरपालिका ‘बजेट होलिडे’ मा परेका छन्।

नेपालको संविधान अनुसार प्रत्येक स्थानीय तहले असार १० गतेभित्र नीति तथा कार्यक्रम तथा असार मसान्तभित्र बजेट पेस गर्नुपर्ने प्रावधान छ। तर यी ११ नगरपालिकाले यो कानुनी समयसीमा उल्लङ्घन गरेका छन्।

नेपाल नगरपालिका संघका अनुसार देशभर ३२५ वटा नगरपालिका छन्। तीमध्ये २८० वटा नगरपालिकाले समयमै बजेट पेस गरेका छन् भने ११ वटा नगरपालिकाले पेस गर्न नसकेका हुन्। अन्य ३४ वटा नगरपालिकाको विवरण नखुलाइएको भए तापनि तीमध्ये अधिकांशले बजेट ल्याइसकेका छन्।

नेपाल नगरपालिका संघ (MuAN) को तथ्यांकअनुसार असार मसान्तसम्म बजेट नल्याएका नगरपालिका यस प्रकार छन्:

क्र.सं. नगरपालिका जिल्ला प्रदेश
१ धरान उप–महानगरपालिका सुनसरी कोशी
२ बिराटनगर महानगरपालिका मोरङ कोशी
३ बेलबारी नगरपालिका मोरङ कोशी
४ कटहरी नगरपालिका मोरङ कोशी
५ हाँसपोसा नगरपालिका सुनसरी कोशी
६ चोहर्वा नगरपालिका सर्लाही मधेश
७ बिष्णुपुर नगरपालिका सर्लाही मधेश
८ औरही नगरपालिका महोत्तरी मधेश
९ यशोदा गंगा नगरपालिका रौतहट मधेश
१० निजगढ नगरपालिका बारा मधेश
११ हरिवन नगरपालिका सर्लाही मधेश

 

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0

RELATED ARTICLESMORE FROM AUTHOR